PANUNUMPA NG LINGKOD BAYAN

Ako’y isang lingkod bayan

Katungkulan ko ang maglingkod

nang buong katapatan at kahusayan

at makatulong sa katatagan

at kaunlaran ng aking bayan.

Sisikapin kong patuloy na maragdagan

ang aking kaalaman.

Magiging bahagi ako

Ng kaayusan at kapayapaan sa pamahalaan.

Susunod at tutulong ako

sa pagpapatupad ng mga umiiral na batas

at alituntunin na walang kinikilingan.

Isasaalang-alang ko ang interes ng nakararami

bago ang pansariling kong kapakanan.

Isusulong ko ang mga programang mag-aangat

sa antas ng kabuhayan ng mamamayan.

Aktibo akong makikibahagi

sa dakilang laynin sa lipunan.

Hindi ako magiging bahagi at isisiwalat ko

ang anumang katiwaliaan

na makakaabot sa aking kaalaman.

Gagawin kong kapaki-pakinabang ang bawat sandali.

 Sa lahat ng panahon, sisikapin kong makatugon

sa mga hamon sa lingkod bayan.

Ang lahat ng ito para sa ating Dakilang Lumikha,

at sa ating bayan.

                                        Kasihan nawa ako ng Maykapal.